Dagskrá

Æfinga og mótaáætlun Goðans 2023-24. Chess events 2023-24

mar
29
Fös
The Dublin International Tournament @ The Talbot Hotel Dublin
mar 29 @ 19:00 – apr 1 @ 19:30
The Dublin International Open 2024 fer fram á Talbot Hótelinu í Dublin á Írlandi 29 mars til 1. apríl 2024. (Föstudagurinn langi til og með annar í Páskum) Tefldar verða 7 umferðir með 90+30 sek á leik á 4 dögum. Teflt verður í 3 flokkum: Open, 40+ og 65+ Eftir því sem okkur er tjáð af mótstjóra verða engar stiga takmarkanir í flokkana og ef þú skráir þig í td. Open flokkinn teflir þú bara gegn andstæðinum sem eru skráðir í Open flokkinn. Ekki gegn neinum í 40+ né 65+. Mótið verður sjáanlegt á chess-results þegar nær dregur.

Umferðatímar eru óstaðfestir, en líklegir.

Fyrsta umferð kl 19:00 föstudaginn 29. mars
Önnur og þriðja umferð kl 11:00 og 16:00 laugardaginn 30 mars
Fjórða og fimmta umferð kl 11.00 og 16:00 sunnudaginn 31. mars
Sjötta og sjöunda umferð kl 10:00 og 14:30 mánudaginn 1. apríl.
Athugið að umferðatímar eru aðrir á vef mótsins, en að sögn mótstjóra verða þeir eins og að ofan.

Skráning í Írska skáksambandið. Það þarf að skrá sig í Írska skáksambandið til þess að geta verið með. Þú velur Overseas ICU Membership og það kostar 20 evrur
Þú velur “new member” og fyllir út þá dálka sem þarf og síðan er greitt með kreditkorti. Ath nota bara enska stafi.

Ef þú ert U-18 ára skráir þú þig hér og það kostar 20 evrur
Þú velur “new member” og fyllir út þá dálka sem þarf og síðan er greitt með kreditkorti. Ath nota bara enska stafi.

Skrá sig í mótið sjálft. Þegar skráningu í Írska skáksambandið er komin getur þú skráð þig í mótið. Ef þú ætlar að skrá þig í Open flokkinn, gerir þú það hér. (það kostar 45 evrur) (Þú velur bara “select a member” og þá ættir þú að finna sjálfan þig.

Ef þú ætlar að skrá þig í 40+ flokkinn, gerir þú það hér  Það kostar 45 evrur)
Þú velur bara “select a member” og þá ættir þú að finna sjálfan þig.

Ef þú ætlar að skrá þig í 65+ flokkinn gerir þú það hér (það kostar 35 evrur)
Þú velur bara “select a member” og þá ættir þú að finna sjálfan þig.

Vefur mótsins fyrir opna flokkinn.

Vefur mótsins fyrir 40+ og 65 +

Samhliða mótinu verður haldið hraðskákmót og atskákmót á sama stað. það þarf að skrá sig sérstaklega í þau mót. Væntanlega geta menn gert það á staðnum ef menn vilja.

Ferðatilhögun.

Við ætlum að fljúga út að morgni föstudagsins langa 29. mars og koma heim þriðjudaginn 2. apríl. Það eru fimm dagar (4 nætur).

Morgunflugið frá Keflavík með Icelandair til Dublin er kl: 7:40 föstudaginn langa og heimflugið frá Dublin, með Icelandair, er kl 12:15 þriðjudaginn 2. apríl. Flugtíminn er 2 tímar og 35 mín. Að sjálfsögðu geta menn valið aðra flugtíma.

Áhugasamir geta haft samband við Hermann í síma 8213187.

Mynd úr salnum þar sem mótið fer fram. Virkar mjög vistlegur

apr
19
Fös
Skákþing Norðlendinga 2024 @ Skógar Fnjóskadal
apr 19 @ 19:30 – apr 21 @ 16:30

Skákþing Norðlendinga 2024 fer fram í Gamla Barnaskólanum að Skógum í Fnjóskadal helgina 19-21 apríl 2024. Mótið verður hefðbundið helgarmót af gamla skólanum með blöndu af atskák og kappskák. Það er Skákfélagið Goðinn sem sér um mótshaldið. Gamli Barnaskólinn að Skógum er staðsettur rétt sunnan við munna Vaðlaheiðarganga Fnjóskadalsmegin. Aðeins um 10 mín akstur frá Akureyri ef keyrt er um Vaðlaheiðargöng. Ef Víkurskarð er valið er það amk. 30 mín akstur frá Akureyri við bestu aðstæður. Á vef Vaðlaheiðarganga er hægt að kaupa ferðir í gegnum göngin.

Dagskrá:

Föstudagurinn 19. apríl klukkan 19:30 1.-4 umferð.
(Atskákir með tímamörkunum 15 mín +5 sek/leik)
Laugardagurinn 20. apríl kl. 10:00 5. umferð, kappskák 90 mín+30 sek/leik
Laugardagurinn 20. apríl kl. 17:00 6. umferð, kappskák 90+30
Sunnudagurinn 21. apríl kl.  10:00 7. umferð, kappskák 90+30

Skákstjórn: Hermann Aðalsteinsson og Áskell Örn Kárason.

Eftirfarandi Oddastig (tiebreaks) gilda í móltinu: 1. Buchholz (-1) 2. Buchholz 3. Innbyrðis úrslit 4. Sonneborn-Berger 5. Oftar svart
Mótin verða reiknað til FIDE atskákstiga og kappskákstiga.

Verðlaun. Hefðbundin verðlaun, auk gjafabréfa í Skákbúðina. (upphæðir þeirra liggja ekki fyrir)

1 sæti (með lögheimili á norðurlandi). Gjafabréf í Skákbúðina
2 sæti (með lögheimili á norðurlandi). Gjafabref í Skákbúðina
3 sæti (með lögheimili á norðurlandi). Gjafabréf í Skákbúðina

Efstur utan norðurlands, Gjafabréf í Skákbúðina
Efstur í flokki U-18 ára (með lögheimili á norðurlandi). Gjafabréf í Skákbúðina
Efstur í flokki U-18 ára utan norðurlands. Gjafabréf í Skákbúðina.

Skráning í mótið fer einungis fram rafrænt. Þáttökugjöld er 5.000 kr. en 2.500 kr. fyrir 18 ára og yngri. (Hægt er að hafa samband við Hermann í síma 8213187 vilji menn greiða með öðrum hætti)
Skrá sig í SÞN 2024 (5000 kr)
Skrá sig í SÞN 2024 U-18 ára (2500 kr)
Þegar skráðir til keppendur

Skráning telst ekki gild fyrr en staðfesting hefur borist á greiðslu á þátttökugjaldi.

Hraðskákmót Norðlendinga 2024.

Hraðskákmót Norðlendinga 2024 fer síðan fram á sama stað. Það hefst ekki fyrr en í fyrsta lagi kl 15:00 á sunnudeginum 21. apríl og gæti dregist ef skákir í aðalmótinu dragst á langinn. Ekkert þátttökugjald er í hraðskákmótið. Umferðafjöldi ræðst af keppendafjölda. Tímamörk 5 mín. (enginn viðbótartími) Reiknað til hraðskákstiga hjá FIDE.

Gamli Barnaskólinn er rétt sunnan við Vaðlaheiðargöng
Gamli Barnaskólinn að Skógum
Stærri salurinn rúmar 8-10 borð
Minni salurinn rúmar um 4 borð