Áskell og Einar unnu Framsýnarmótið

Áskell Örn Kárason og Einar Hjalti Jensson unnu sigur á Framsýnarmóti Goðans Máta sem fram fór um helgina á Breiðumýri í Reykjadal. Þeir höfðu mikla yfirburði, gerðu jafntefli sín á milli og hlutu 6,5 vinning í 7 skákum. Þriðji varð Sigurður Eiríksson með 5 vinninga en hann gerði sér lítið fyrir og vann landsliðskonurnar Jóhönnu Björg Jóhannsdóttur og Hallgerði Helgu Þorsteinsdóttur í lokaumferðunum tveimur. Haraldur Haraldsson varð í fjórða sæti með 4,5 vinninga og Smári Sigurðsson varð í 5. sæti einnig með 4,5 vinninga, eftir sigur á Stefáni Bergssyni í gær og jafntefli við Jón Þorvaldsson í dag. 

Flest allir keppendur á Framsýnarmótinu 2013. 

Úrslit í 5. umferð

Úrslit í 6. umferð 

Úrslit í 7. umferð 

Lokastaðan. 

Verðlaunahafar. Haraldur, Áskell og Sigurður urðu efstir gesta, En Jón Þorvaldsson Einar Hjalti Jensson urðu efstir Goð-Máta. Á myndina vantar Smára Sigurðsson. 

Alls tók 29 keppendur þátt í mótinu og þar á meðal voru nokkrir ungir skákmenn úr Þingeyjarsýslu sem settu svip sinn á mótið. Sumir þeirra voru að taka þátt í sínu fyrsta stóra skákmóti. Þeir fengu allir skákbækur í þátttökuverðlaun.