Fréttir af aðalfundi. Óbreytt stjórn og góð fjárhagsstaða.

Aðalfundur skákfélagsins Goðans var haldinn í gærkvöld á Húsavík. Frekar fáir sáu ástæðu til þess að koma á fundinn en umræður urðu þó góðar. Lagabreytingatillaga frá stjórn var samþykkt og var Hermann Aðalsteinsson endurkjörinn formaður og Sigurbjörn Ásmundsson var endurkjörinn gjaldkeri á fundinum. Stjórn Goðans verður því óbreytt þetta árið. Fjárhagsstaða félagsins er góð og eru engar áhvílandi skuldir á félaginu. 

Jóhanna Kristánsdóttir formaður HSÞ sat fundinn sem gestur og færði kveðjur frá stjórn HSÞ til Goðans.

Fundargerð aðalfundar verður brátt aðgengileg hér á síðunni og samþykktur ársreikningur verður sendur félagsmönnum í tölvupósti til kynningar.

Að fundi loknum var tefld hraðskák og urðu úrslit svohljóðandi:

1. Smári Siguðrsson             6 vinn af 6 mögul.
2. Hermann Aðalsteinsson   3
3. Sigurbjörn Ásmundsson   2
4. Ævar Ákason                    1