Tómas varð annar á afmælismóti Hrafns Jökulssonar.

Góð mæting var á afmælismót Hrafns Jökulssonar sem Skákfélag Vinjar hélt pilti til heiðurs í Rauðakrosshúsinu, Borgartúni 25, í gær. Gunnar Björnsson, forseti, startaði mótinu með því að leika fyrsta leikinn fyrir Hrafn gegn hinum eitilharða Birni Sigurjónssyni og tónninn gefinn. Teflt var djarft og reyndi á skákstjórann Róbert Lagerman í einhverjum tilfellum. Reyndar við borðið líka, en stjórinn hélt haus og Tómas Björnsson var sá eini sem náði jafntefli við kappann. 

Tómas Björnsson tefldi á Framsýnarmótinu um nýliðna helgi.

Hinn ungi og grjótharði Páll Andrason gerði svo jafntefli við Tómas í lokaumferðinni og tryggði sér þriðja sætið og Róberti það fyrsta.

Efstu menn:

• 1.       Róbert Lagerman                     6,5
• 2.       Tómas Björnsson                      6
• 3.       Páll Andrason                            5
• 4.       Gunnar Freyr Rúnarsson         5
• 5.       Hrafn Jökulsson                        5
• 6.       Birgir Berndsen                         5
• 7.       Björn S. Sigurjónsson               4,5

Frétt fengin af skák.is.
Sjá meira hér http://www.skak.blog.is/blog/skak/entry/1116907/