Ásgeir kominn í 2300 stig !

Okkar maður, Ásgeir Ásbjörnsson, er samkvæmt nýjum Fide-skákstigalista sem gefin var út í dag, kominn með 2300 elo-stig. Hann hækkaði um 5 stig eftir frábæran árangur á íslandsmóti skákfélaga í október sl. þar sem hann vann 3 skákir og gerði eitt jafntefli. Sérlega glæsilegt hjá Ásgeir því hann hafði ekki teflt kappskák á reiknuðu skákmóti síðan einhvertímann á áttunda áratug síðustu aldar !  
Ásgeir er nú í 27. sæti af virkum íslenskum skákmönnum og í 36. sæti ef óvirkir skákmenn eru taldir með.

                  Ásgeir Ásbjörnsson (2300) th.

Ásgeir er því kominn inn á afreksmannalista skáksambandsins, en þar eru allir innlendir skákmenn sem eru með 2300 stig eða meira. Sjá hér: http://skaksamband.is/?c=webpage&id=441 
Ásgeir er stigahæsti félagsmaður Goðans og sá fyrsti sem fer yfir 2300 stig.
Til hamingju Ásgeir !

Björn þorsteinsson hækkar um 6 stig frá því í september, en stig annarra félagsmanna breytast ekki mikið.

Fideskákstig félagsmanna Goðans 1. nóvember 2010.

Nafn.                                Fidestig        breyting +/-

Ásgeir P Ásbjörnsson         2300                 +5
Einar Hjalti Jensson           2230                  -3
Björn Þorsteinsson            2216                  +6
Tómas Björnsson               2151                  -1
Sveinn Arnarsson               1934                 -6
Sindri Guðjónsson              1917                   0
Jakob Sævar Sigurðsson    1807                   0
Barði Einarsson                 1755                    0

Hér geta menn skoðað stöðu sína hjá Fide http://ratings.fide.com/

Allur Íslenski listinn verður birtur síðar í dag eða í kvöld.