Ólympíumótið í skák hófst í dag í borginni Tromsö í Noregi. Smávægileg töf varð á upphafi fyrstu umferðar vegna öryggisráðstafana, en allir keppendur þurfa að ganga í gegnum vopnaleitarhlið, sem tekur sinn tíma enda mótið risavaxið í alla staði.
Hliðið leitar einnig að raftækjum, en stranglega bannað er að hafa slíkt inni í skáksalnum. Í framhaldinu verður liðum gert kleift að ganga í salinn allt að klukkutíma áður en umferðir hefjast, svo hægt verði að gegnumlýsa alla í tæka tíð.
Íslensku liðin unnu bæði með fullu húsi í dag, kvennaliðið gegn Namibíu og liðið í opnum flokki gegn Eþíópíu.
Viðureignir okkar manna:
Þröstur Þórhallsson stýrði svörtu mönnunum gegn Fidemeistaranum Yimam Abera Belachew (2194) og vann örugglega.
Hallgerður Helga Þorsteinsdóttir tefldi á fyrsta borði í kvennasveitinni og vann Kamutuua Tjatindi frá Namibíu.
Jóhanna Björg Jóhannsdóttir tefldi við Toshi Haufiku á þriðja borði og vann örugglega.
Elsa María Kristínardóttir tefldi við Jolly Nepando á fjórða borði og vann öruggan sigur.
- Heimasíða mótsins
- Beinar útsendingar
- Chess-Results (opinn flokkur)
- Chess-Results (kvennaflokkur)
- Myndaalbúm Gunnars Björnssonar á Facebook
- Umfjöllun um mótið á skak.is
