Goðinn-Mátar er 5 stærsta skákfélag landsins

Samkvæmt keppendaskrá skáksambands Íslands er Goðinn-Mátar orðið fimmta stærsta skákfélag landsins miðað við fjölda félagsmanna. Í dag eru 98 félagsmenn skráðir í félagið og hefur fjölgað mjög frá því félagið var stofnað árið 2005. Stofnfélagar voru 11 árið 2005 og hefur síðan fjölgað jafnt og þétt. Mest munaði þó um sameiningu Goðans og Máta í fyrra haust en þá fjölgaði félagsmönnum um rúmlega 20.

Reykjavíkurfélögin TR og Hellir eru langstærstu skákfélög landsins með vel á þriðja hundrað félagsmenn. Taflfélag Garðabæjar er með 129 á félagsskrá og Taflfélag Vestmannaeyja er með 104 skráða félagsmenn.  Skákfélag Akureyrar er með 93 skráða félagsmenn í dag eða örlítið færri en Goðinn-Mátar.

Hér er listi yfir fjölda félagsmanna hjá virkum Íslenskum skákfélögum. Erlendir skákmenn eru ekki taldir með.

TR            264
Hellir         258
TG                129
TV                104
Goðinn-Mátar  98
SA               93
KR               85
Haukar         84
TB                 81
Fjölnir           74
Vinjar            56
Víkingakl.        45
SSON            32
Sauðárkrókur 25
Akranes         24
TK                 22
SAUST          18
Bridsfjelagið   18
Siglufjörður    17
UMSB            17
SFÍ               14
Æsir              12
Kórdrengirnir  12
Snæfellsnes   10