Heim Fréttir Íslandsmótið í netskák fer fram í dag: Leiðbeiningar og frímánuður fyrir nýliða...

Íslandsmótið í netskák fer fram í dag: Leiðbeiningar og frímánuður fyrir nýliða á ICC

Eftir

28. desember, 2014

1500

Íslandsmótið í netskák fer fram í dag, sunnudaginn 28. desember. Mótið fer fram á netþjóninum ICC og hefst kl. 20. Tímamörk eru 3 2 (3 mínútur + 2 viðbótarsekúndur á hvern leik). Tefldar eru 11 umferðir.

Mótið er öllum opið og er teflt er einum flokki.

Skráning fer fram á Skák.is og hér á skakhuginn.is.

Það er Skákfélagið Huginn sem stendur fyrir mótinu.

Skráðir keppendur

Ég er nýr, hvað á ég að gera? – Frímánuður fyrir nýskráða á ICC

Þeir sem ekki eru skráðir á ICC geta skráð sig á vef ICC og fengið þannig frían mánuð á skákþjóninum. Skáningarferlið er afar einfalt, aðeins þarf að gefa upp nafn, netfang og notandanafnið sem þú ætlar að nota.

Þeir sem ekki hafa hugbúnað til að tefla geta halað niður þar til gerðu forriti (mælt er með Blitzin eða Dasher).

Einföld leið, ekkert vesen

Fyrir þá sem skilja ekkert í hvernig á að hlaða niður þessum forritum eða nota þau er til einföld lausn. ICC býður nú upp á vefsíðu sem hægt er að tengjast og nota til að tefla á skákþjóninum.

web_app — Einfalt og þægilegt. Best er að opna “console” og “chatrooms” gluggana

https://play.chessclub.com/

Fyrst þarf að skrá sig inn á skákþjóninn. Takkinn “Member login” sem er vinstra megin er notaður til þess, þar eru skráningarupplýsingarnar settar inn, þ.e. notandanafn og lykilorð.

Best er að hafa “Console” og “Chatrooms” gluggana opna á síðunni. Það er gert með því að smella á takkana í dálknum vinstra megin.

Í “chatrooms” er hægt að velja “icelandic” en þar eru flestir íslendingar sem tefla á skákþjóninum. Fljótlegasta leiðin til þess er að opna gardínuna og smella á takkan i á lyklaborðinu þar til icelandic kemur upp.

Console glugginn er mikilvægur til að glöggva sig á framvindu mótsins. Hægt er að skrifa ýmsar skipanir í gluggan til að átta sig á stöðu mótsins. Væntanlega verður teflt á mótaþjóninum “Pear” líkt og oftast og leiðbeiningarnar miðast því við hann.

Skipanir eru t.d.

Pear skipunin "tell pear play" — Pear skipunin “tell pear play” birtir keppendalistann

“Tell pear games” Þá kemur upp listi yfir skákir sem eru enn í gangi í yfirstandandi umferð
“Tell pear stand” Þá birtist staðan í mótinu
“Tell pear grid” Þá birtist mótstaflan
“Tell pear play” Þá birtist keppandalistinn

Þar sem allir keppendur þurfa að vera á svokallaðri Íslands-rás er æskilegt að menn slái inn “g-join Iceland” í “console” gluggann við næstu/fyrstu innskráningu á ICC.

Að þessu loknu er hægt að skrá sig á Skák.is.

Eftir skráningu á ICC og Skak.is er allt ferlið sjálfvirkt það og eina sem þátttakendur þurfa að hafa í huga er að vera mættir tímanlega á ICC eða eigi síðar en kl. 19:50.