3,5 vinninga af 4 mögulegum í hús á Öðlingamótinu.

Okkar menn áttu góðan dag í gær þegar 3,5 vinningar komu í hús af fjórum mögulegum á Öðlingamótinu.

Jón Þorvaldsson sýndi styrk sinn í gærkvöld og er í efsta sæti með 4 vinninga ásamt þremur öðrum.

Jón Þorvaldsson (2045) vann Bjarna Hjartarson (2045) í glæsilegri fórnarskák. Páll Ágúst Jónsson gerði jafntefli við Jóhann Ragnarsson (2089). Björn þorsteinsson vann Þór Valtýsson (2043) og Sigurður Jón Gunnarsson vann Sigurð H Jónsson (1860).
Jón Þorvaldsson er efstur með fjóra vinninga ásamt þremur öðrum skákmönnum. Björn Þorsteinsson er svo í 5. sæti með 3,5 vinninga, Páll Ágúst er einnig með 3,5 vinninga í 9. sæti og Sigurður Jón er með 3 vinninga í 19 sæti.

Athygli vekur góð frammistaða Jóns og þá sérstaklega Páls Ágústs, en þeir félagar eru báðir taplausir á mótinu.

Páll Ágúst Jónsson hefur staðið sig glæsilega á mótinu. 

Staða efstu manna:

Björn Þorsteinsson vann í gær og er í 5. sæti með 3,5 vinninga.

Sigurður Jón Gunnarsson er með 3 vinninga í 19. sæti af 40.

Ekki liggur fyrir pörun í sjöttu og næst síðustu umferð sem fram fer næsta miðvikudagskvöld.

Mótið á chess-results