Barna- og unglingaæfingar Skákfélagsins Hugins í Mjóddinni hefjast aftur eftir sumarfrí mánudaginn 3. september 2018.
Æfingarnar byrja kl. 17:15 og þeim lýkur yfirleitt rétt fyrir kl. 19.
Æfingarnar eru opnar öllum 15 ára og yngri en skipt verður í tvo flokka eftir aldri og styrkleika á flestum æfingum.
Engin þátttökugjöld.
Æfingarnar verða haldnar í félagsheimili Hugins í Álfabakka 14a, Mjódd. Inngangur er milli Lyfjaval í Mjódd og Subway en salur félagsins er á þriðju hæð hússins.
Á æfingunum verða 5 eða 6 umferðir með umhugsunartíma 10 eða 7 mínútur. Einnig verður farið í dæmi og endatöfl eins og tíma vinnst til. Jafnframt verður þegar tímabilið er komið vel af stað í boði kennsla fyrir félagsmenn utan hefðbundins æfingatíma.
Umsjón með æfingunum hefur Vigfús Ó. Vigfússon
