Áskell Örn Kárason skákmeistari Norðlendinga 2011

Áskell Örn Kárason varð skákmeistari norðlendinga þegar hann sigraði á Skákþing norðlendinga sem lauk á Siglufirði í dag. Áskell fékk 5,5 vinninga af 7 mögulegum. Davíð Kjartansson (2289) varð efstur á vinningum með 6 vinninga en þar sem Davíð er ekki með lögheimili á Norðurlandi fékk Áskell titilinn. Þetta var annað árið í röð sem Áskell vinnur mótið. Sævar Bjarnason (2143) varð í 2.-3. sæti með 5,5 vinning.  Goðinn átti tvo keppendur á mótinu. Páll Ágúst Jónsson varð í 7. sæti með 4 vinninga og Jakob Sævar Sigurðsson varð í 13. sæti með 3,5 vinninga. Páll Ágúst tapaði fyrir Davíð í lokaumferðinni en Jakob Sævar gerði jafntefli við Birki karl Sigurðsson
Páll Sigurðsson var skákstjóri en Skákfélag Siglufjarðar undir stjórn Sigurðar Ægissonar formanns hélt mótið.

Sigurður Ægisson tók nokkrar myndir af verðlaunahöfum og hægt er að skoða þær hér:
http://www.siglfirdingur.is/v.asp?page=251&Article_ID=693

Áskell Örn Kárason Norðurlandsmeistari 2011

Úrslit 7. umferðar:

Lokastaðan:

Skákir úr mótinu eru aðgengilegar á skák.is

Mikael Karlsson, Áskell Örn og Davíð.

Áskell Örn vann einnig sigur á hraðskákmóti Norðlendinga sem fór fram strax eftir að norðurlandsmótinu lauk.  Áskell fékk 8,5 vinninga af 9 mögulegum og leyfði aðeins jafntefli gegn Davíð sem varð í öðru sæti. Mikael Jóhann karlsson varð í þriðja sæti.  Páll Ágúst varð í 4-5. sæti með 5,5 vinninga, Jakob Sævar varð í 12. sæti með 4 vinninga, Hermann varð í 13-15 sæti með 3,5 vinninga og Sigurbjörn Ásmundsson varð í 16 sæti með 2 vinninga. 

Hraðskákmót Norðlendinga

Sjá umfjöllun og myndir frá mótinu á siglfirðingi.is sem er fréttavefur Sigurðar Ægissonar, hér:
http://www.siglfirdingur.is/v.asp?page=251&Article_ID=691

• Heimasíða SA
• Chess-Results