7.3.2008 kl. 21:07
Skáksveit Hafralækjarskóla sigraði á Laugamótinu.
Skáksveit Hafralækjarskóla í Aðaldal sigraði á grunnskólamóti Framhaldsskólans á Laugum sem fram fór í dag. Sveit Hafralækjarskóla fékk 10 vinninga af 12 mögulegum. 4 sveitir tóku þátt í mótinu. Úrslit urðu eftirfarandi :
1. Hafralækjarskóli 10 vinningar af 12 mögulegum
2-3. Reykjahlíðarskóli 7
2-3. Litlulaugaskóli 7
4. Stórutjarnaskóli 0
Dagur Þorgrímsson náði bestum árangri á 1. borði fyrir Hafralækjarskóla, en hann vann allar sínar skákir. Sveitirnar voru skipaðar 4 keppendum hver og tefldu tveir strákar og tvær stúlkur frá hverjum skóla. Tefldar voru skákir með 10 mín. umhugsunartíma á mann. H.A.