Úrslitakeppni Janúarmóts Hugins lýkur annað kvöld þegar Smári Sigurðsson (enskukennari við FSH) og Rúnar Ísleifsson (skógarvörður í Vaglaskógi) tefla síðari einvígisskákina um sigur á mótinu í Framsýnarsalnum á Húsavík. Skákin hefst kl 19:30 og eru áhorfendur velkomnir til að fylgjast með.

Rúnar Ísleifsson
Rúnar Ísleifsson
Smári Sigurðsson
Smári Sigurðsson

 

Fyrri skák þeirra félaga fór fram sl. sunnudag á Vöglum og endaði hún með jafntefli. Verði jafntefli líka í seinni skákinni verða tefdar tvær hraðskákir og svo bráðabani verði enn jafnt, til að skera úr um sigur í mótinu.

Allnokkrar líkur eru á því að einvígið fari í bráðabana þar sem þeir félagar hafa alltaf gert jafntefli þegar þeir hafa mæst við skákborðið fram að þessu

 

 

Á morgun er Íslenski skákdagurinn, afmælisdagur Friðriks Ólafssonar fyrsta stórmeistara Íslendinga og því vel við hæfi að tveir af bestu skákmönnum Þingeyinga tefli til úrslita á Janúarmótinu.

Þegar úrslit verða ljós verður haldinn stuttur félagsfundur, þar sem skákdagskrá vetrarins verður rædd.