Smári Sigurðsson skákmeistari Goðans 2022

Smári Sigurðsson vann sigur á Skákþingi Goðans/Meistaramót 2022 sem lauk í dag. Smári fékk 5,5 vinninga af 7 mögulegum og fór taplaus í gegnum mótið. Smári Sigurðsson er því skákmeistari Goðans 2022.

Hermann Aðalsteinsson varð í öðru sæti með 5 vinninga. Rúnar Ísleifsson, sem einnig fékk 5 vinninga en var aðeins lægri en Hermann á oddastigum, varð í þriðja sæti. Hart var barist um efstu 5 sætin í mótinu og munaði aðeins 1 vinning á fimm efstu.

Smári Sigurðsson var að vinna titilinn skákmeistari Goðans í fjórða sinn, en áður hafði hann unnið titilinn árin 2007, 2008 og 2013.

Lokastaðan.

Rk. SNo Name FED Rtg Pts.  TB1  TB2  TB3
1 5 Sigurdsson Smari ISL 1914 5,5 0,0 4 22,5
2 2 Adalsteinsson Hermann ISL 1574 5,0 1,0 5 23,0
3 1 Isleifsson Runar ISL 1815 5,0 0,0 4 23,0
4 7 Smarason Kristjan Ingi ISL 1436 4,5 0,5 3 23,5
5 3 Sigurdsson Jakob Saevar ISL 1802 4,5 0,5 3 23,5
6 8 Asmundsson Sigurbjorn ISL 1433 1,5 0,0 1 26,5
7 6 Akason Aevar ISL 1579 1,0 1,0 1 27,0
8 4 Thorhallsson Tryggvi ISL 0 1,0 0,0 1 27,0

 

Mótið í ár var atskákmót með 20 mín og 5 sek/leik í umhugsunartíma og allir tefldu við alla. Alls tóku 8 keppendur þátt í mótinu sem fram fór að Vöglum í Fnjóskadal.

Skákþingið var lokapunkturinn á vetrarstarfi Goðans, en þráðurinn verður aftur tekinn upp með haustinu.

Mótið á chess-results

Myndir frá mótinu

Nýliðinn Tryggvi Þórhallsson var að taka þátt í sínu fyrsta móti með Goðanum
Jakob Sævar – Sigurbjörn
Ævar – Kristján nær. Smári – Rúnar fjær