15.3.2008 kl. 21:21
Goðinn á afmæli í dag.
Skákfélagið Goðinn á afmæli í dag, 15 mars og er því 3ja ára. Skákfélagið Goðinn var formlega stofnað 15 mars 2005 á Fosshóli og fyrsta stjórn félagsins kjörin. Hún situr reyndar enn,óbreytt, en hana skipa, Hermann Aðalsteinsson formaður Hallur Birkir Reynisson gjaldkeri og Ármann Olgeirsson ritari.
Félagið hefur dafnað vel á þessum þremur árum sem liðin eru og skráðir félagar eru 25 talsins, en stofnfélagar vor 11. Aðalfundur félagsins verður haldinn miðvikudagskvöldið 19 mars á Fosshóli og verður þar m.a tekin ákvörðun um merki fyrir félagið. Undanfarið hefur farið fram kosning hér á blogginu um merki fyrir félagið. Engin tillaga fékk hreinan meirihluta atkvæða, þannig að kosið verður á milli 3ja efstu tillagnanna.
Það er mikilvægt að sem flestir komi á aðalfundinn og taki þátt í að velja merki fyrir félagið. EN, þeir félagsmenn sem geta af einhverjum ástæðum ekki komið á fundinn er bent á að kjósa hér á blogginu með því að skrifa athugasemd við þessa blogg-færslu.
Í forkosninguni fengu eftirfarandi tillögur flest atkvæði. 1-G, 5 atkvæði 1-C, 3 atkvæði og 4-A, 3 atkvæði. Alls kusu 15 félagsmenn. Hér fyrir neðan eru tillögurnar þrjár sem komust í úrslit.
(Þið klikkið á: skrá tengd þessari blogg-færslu og þá koma tillögurnar í ljós)
Þá er bara að kjósa rétt !