Síðari einvígisskákir í úrslitakeppni skákþings Goðans fóru fram sl. þriðjudagskvöld á Laugum. Smári Sigurðsson og Rúnar Ísleifsson gerðu jafntefli í seinni skákinni um sigur í mótinu og þar sem það varð jafntefli í þeirri fyrri þarf bráðabana til að skera úr um sigurvegara Skákþings Goðans 2024.
Jakob Sævar Sigurðsson vann Kristján Inga Smárason í seinni skák þeirra um 3. sætið í mótinu og það þarf líka bráðabana til að skera úr um úrslit þar sem Kristján vann fyrri skákina.
Sigmundur Þorgrímsson vann Ævar Ákason í seinni einvígisskák þeirra um 9. sætið í mótinu á Laugum og þar sem fyrri skákinni lauk með sigri Ævars þrufti bráðabana til. þeir tefldu bráðabanann strax í kjölfarið og þar hafði Ævar betur 2-1.
Adam Ferenc Gulyas vann Inga Hafliða Guðjónsson 2-0 í baráttuinni um 5. sætið og Hermann Aðalsteinsson vann Dorian Lesman 1,5-0,5 um 11. sætið. Árangur Adams er athyglisverður þar sem þetta var fyrsta kappskákmótið sem hann tekur þátt í.
Bráðabana skákirnar fara fram nk. mánudagskvöld kl 20:00 í Framsýnarsalnum á Húsavík. Þá verða tefldar tvær hraðskákir og síðan armageddon-skák verði enn jafnt. Að þeim loknum liggur fyrir hver verður Skákmeistari Goðans 2024 !
Staðan í mótinu.
1-2 Rúnar Ísleifsson og Smári Sigurðsson (1-1)
3-4 Kristján Ingi Smárason og Jakob Sævar Sigurðsson (1-1)
5. Adam Ferenc Gulyas (2-0)
6. Ingi Hafliði Guðjónsson (0-2)
7-8 Ingimar Ingimarsson og Hilmar Freyr Birgisson ( ?-? )
9. Ævar Ákason (1-1) og (2-1)
10. Sigmundur Þorgrímsson (1-1) og (1-2)
11. Hermann Aðalsteinsson (1,5 – 0,5)
12. Dorian Lesman (0,5-1,5)
Einungis tvær einvígisskákir eru eftir í úrslitakeppni Skákþings Goðans 2024. Ingimar Ingimarsson og Hilmar Freyr Birgissson eiga báðar skákirna eftir og fer fyrri skákin fram í kvöld kl. 19:30. Seinni skákin er á dagskrá á þriðjudagskvöldið.
