Ný skákstig sem gilda frá 1. janúar 2024 voru gefin út í dag 31. des. Engar breytingar verða á kappskákstigum félagsmanna, þar sem enginn félagsmaður tók þátt í kappskákmóti í nóvember. Þó nokkrar breytingar verða á atskák og hraðskákstigum hjá félagsmönnum og nokkrir vinna sér inn sín fystu skákstig.
Hraðskákstig – Nýliðar
Adam Ferenc Gulyas 1571 (nýr á lista)
Ingimar Ingmarsson 1551 (nýr á lista)
Aðalsteinn Jóhann Friðriksson 1551 (nýr á lista en utan félags)
Aðalsteinn Leifs Maríuson 1466 (nýr á lista)
Viðar Njáll Hákonarson 1363 (nýr á lista)
Óskar Páll Davíðsson 1363 (nýr á lista en utan félags)
Aðalsteinn Leifs Maríuson hækkar mest allra frá 1. desember listanum, eða um 74 atskákstig. Kristján Ingi Smárason græðir 46 atskákstig og 30 hraðskákstig. Hermann Aðalsteinsson græðir 40 stig atskákstig, Ingi Hafliði Guðjónsson bætir við sig 29 hraðskákstigum og Kristijonas Valanciunas hækkar um 19 hraðskákstig. Mun minni breytingar eru hjá öðrum og sumir tapa stigum eins og gengur. Hægt að skoða nánar hér.
Atskákstig – Nýliðar
Benedikt Þór Jóhannsson 1563 (Nýr á lista)
Sigmundur Þorgrímsson 1308 (aftur inn á lista)
Aðalsteinn Leifs Maríuson 1307 (nýr á lista)
Mót sem reiknuð voru til stiga núna sem höfðu áhrif til breytinga á stigum Goðamanna, voru: Nóvembermót Goðans, Hraðskákmót Goðans, Jólamót Goðans, Íslandsmótið í Hraðskák (Friðriksmótið) og svo þó nokkur Þriðjudags og fimmtudagsmót hjá TR.
