Sigurður G. Daníelsson félagsmaður Goðans er látinn.
Siggi Dan eins og hann var iðulega kallaður í skákheimum var 79 ára og var til heimils að Skjóli á Þórshöfn, þar sem hann lést.
Siggi var þekktur fyrir skemmtilegan skákstíl. Hann tefldi meðal annars í landsliðsflokki árið 1982 eftir góðan árangur í áskorendaflokki árið áður.
Hann varð skákmeistari Goðans árið 2016 og tefldi með Goðanum á Íslandsmót skákfélaga iðulega, síðast í október 2022.
Skákfélagið Goðinn vottar aðstandendum Sigurðar innilega samúð.
Von er á sérstakri umfjöllun um Sigurð Daníelsson bráðlega.
