Það var vel mætt á Hraðskákmót Hugins í Mjóddinni sem fram fór sl. mánudagskvöld 7. nóvember. 28 keppendur tóku þátt í mótinu sem var skipað blöndu af reyndum skákmönnum og yngri skákmönnum. Í stað hefðbundinna tímamarka með 5 mínútna umhugsunartíma á klukkunni var í fyrsta sinn teflt með viðbótartíma. Það virtist hafa þau áhrif að aðrúmsloftið væri afslappaðra þótt hart væri barist og klukkurnar voru lamdar eins og vanalega á hraðskákmótum. Baráttan var jöfn að flestu leiti og minni spámenn tóku vinninga af þeim sem taldir voru sterkari út um allan salinn. Það var samt engin spurning með sigurinn því fyrir lokaumferðina var Hjörvar Steinn Grétarsson með tveggja vinninga forskot á næstu keppendur og þurfti Bárður Örn Birkisson að vinna báðar skákirnar við hann í lokaumferðinni til að jafna hann að vinningum sem ekki gekk eftir enda svo sem ekki búist við því. Hjörvar sigraði því örugglega með 13v af 14 mögulegum. Hjörvar hefur unnið þetta mót fjórum sinnum og búinn að jafna þá sem sigrað hafa oftast á því. Jafnir í öðru og þriðja sæti voru Andri Grétarsson og Vignir Vatnar Stefánsson með 10v og hafði Andri annað sætið á stigum. Andri var einnig sá eini sem tók vinning af Hjörvari.
Fyrir mótið afhenti skákstjóri Vigfús Ó. Vigfússon skákmeistara Hugins Dawid Kolka eignagrip vegna Meistaramóts Hugins sem fram fór í haust. Þar sem hann hafði sigur í sérstakri úrslitakeppni við Óskar Víking Davíðsson og Heimi Pál Ragnarsson en þeir voru fremstir Huginsmanna á mótinu.
Lokastaðan í Hraðskákmóti Hugins:
Röð | Nafn | Vinn. | TB1 | TB2 | TB3 |
1 | Gretarsson Hjorvar Steinn | 13 | 119 | 102 | 109 |
2 | Gretarsson Andri A | 10 | 123 | 104 | 83,5 |
3 | Stefansson Vignir Vatnar | 10 | 110 | 94 | 75 |
4 | Salama Omar | 9 | 115 | 99 | 69,5 |
5 | Birkisson Bardur Orn | 9 | 114 | 96,5 | 61,8 |
6 | Ragnarsson Dagur | 8,5 | 124 | 105 | 66,8 |
7 | Johannsson Orn Leo | 8,5 | 113 | 94,5 | 57,8 |
8 | Jensson Einar Hjalti | 8 | 130 | 111 | 67,5 |
9 | Brynjarsson Helgi | 8 | 112 | 93,5 | 52 |
10 | Kolka Dawid | 8 | 102 | 87,5 | 49,5 |
11 | Mai Alexander Oliver | 8 | 91 | 78,5 | 47,8 |
12 | Birkisson Bjorn Holm | 7,5 | 107 | 88,5 | 48,8 |
13 | Vigfusson Vigfus | 7 | 104 | 90,5 | 41 |
14 | Fivelstad Jon Olav | 7 | 91 | 77,5 | 34,5 |
15 | Mai Aron Thor | 6,5 | 99 | 85,5 | 43 |
16 | Lee Gudmundur Kristinn | 6,5 | 92 | 78 | 38 |
17 | Karason Halldor Ingi | 6,5 | 89 | 77 | 34 |
18 | Gudjonsson Sindri | 6 | 103 | 88,5 | 39,5 |
19 | Einarsson Oskar Long | 6 | 92 | 78,5 | 28 |
20 | Ulfljotsson Jon | 6 | 90 | 76,5 | 29,5 |
21 | Thorsson Pall | 5,5 | 90 | 76,5 | 28,3 |
22 | Finnsson Finnur | 5,5 | 81 | 69 | 25,8 |
23 | Davidsson Stefan Orri | 5,5 | 80 | 69 | 28,8 |
24 | Omarsson Kristofer | 4,5 | 79 | 67,5 | 20 |
25 | Sigfusson Ottar Orn Bergmann | 4,5 | 75 | 63,5 | 18,8 |
26 | Arnarson Smari | 4,5 | 73 | 60,5 | 18,8 |
27 | Kristbergsson Bjorgvin | 3,5 | 73 | 62,5 | 16,3 |
28 | Sigurdsson Baldur Heidar | 3,5 | 73 | 62,5 | 14,8 |
Lokastaðan í chess-results: