Kristijonas Valanciunas og Kristján Ingi Smarason urðu efstir og jafnir á fyrstu skákæfingu vetrarins sem fram fór á Húsavík í gærkvöld. Báðir fengu þeir 6 vinninga af 7 mögulegum. 8 skákmenn mættu til leiks og tefldar voru skákir með 7 mín umhugsunartíma. Einn nýr skákmaður Dorian Lesman, mætti til leiks og landaði 3 vinningum.
Lokastaðan. Mótið á Chess-manager
Félag | |||
---|---|---|---|
1. | Valanciunas, Kristijonas | 1183 | 6.0 |
2. | Smarason, Kristjan Ingi | 1413 | 6.0 |
3. | Sigurdsson, Smari | 1879 | 5.5 |
4. | Lesman Dorian | 3.0 | |
5. | Thorgrimsson, Sigmundur | 1259 | 2.0 |
6. | Akason, Aevar | 1516 | 2.0 |
6. | Asgeirsson, Magnus Ingi | 2.0 | |
8. | Benediktsson, Sigurjon | 1.5 |
Að æfingu lokinni var efnt til félagsfundar þar sem farið var yfir helstu dagskrárliði vetrarins. Bar þar hæst komandi Íslandmót skákfélaga, æfinga og mótaáætlun og væntanleg hópferð skákmanna Goðans á mót í Evrópu um páskana 2024.
Nánast fullmannað er í öll þrjú lið Goðans sem munu tefla á Íslandsmótinu. Þeir sem hug hafa á að vera með er bent á að hafa samband við formann Goðans sem fyrst og helst strax.
Ákveðið var að prófa að tefla eina skákæfingu á chess.com í mánuði, tefla tvær í Framsýn og eina á Vöglum til prufu. Eins gæti komið til greina að halda aukaæfingar eða mót á öðrum stað á Húsavík en það á eftir að koma betur í ljós.
Nokkrir spennandi kostir varðandi mót erlendis um páskana 2024 eru í skoðun og öruggt að það verður farið og teflt erlendis. Spurningi er ekki hvort heldur hvar. Ákvörðun um mót verður tekin í kringum áramót.
Næsta skákæfing verður í Framsýnarsalnum á Húsavík mánudagskvöldið 11. september kl 20:00.