Ný skákstig 1. mars – Margir hækka mikið vegna breytinga hjá Fide

Vegna breytinga á skákstigum hjá Fide sem taka gildi á morgun 1. mars hækka allir félagsmenn sem höfðu lægri skákstig en 2000 1. febrúar sl, sjálfkrafa og sumir talsvert mikið. Fide tekur upp nýtt stigalágmark sem verður 1400 í stað 1000 og “þjappar” hinum meira saman sem eru á bilinu 1400-2000 stig samkvæmt þessari reikniformúlu. (0,40) x (2000-rating). Skákstig þeirra sem eru yfir 2000 breytast ekkert þar sem þetta gildir bara um þá sem eru undir 2000 stigum þann 1. mars.

Tveir nýliðar eru á listanum hjá Goðanum, Þeir Adam Ferenc Gulyas (1727) og Ingimar Ingimarsson (1688). Enginn lækkaði á stigum að þessu sinni, enda sjálkrafa hækkunin það mikil. At og hraðskákstig hækkuðu líka í takt við kappskákstig. Af þeim sem tefldu kappskákir í febrúar og bættu við sig meira en 200 stigum, hækkaði Hilmar Freyr Birgisson mest eða um 284 stig. Sigurbjörn Ásmundsson hækkaði um 263 stig. Ævar Ákason hækkaði um 240 stig. Ingi Hafliði Guðjónsson hækkaði um 221 stig og Kristján Ingi Smárason um 215 stig. Eins og sjá má eru dæmi um meiri hækkanir eftir því sem neðar dregur á listanum, enda áhrifin af þessari sjálfvirku hækkun stiga hjá FIDE, mun meiri þar. Sighvatur Karlsson hækkaði um 306 stig án taflmennsku. Afar ólíklegt er að menn eigi eftir að sjá svona miklar hækkanir á stigum aftur.

Í dálknum “raun breyting” má sjá breytingar á stigum ef ekki hefði komið til sjálfkrafa hækkunar á stigum hjá FIDE. Þar má sjá að Ingi Hafliði Guðjónsson hækkaði mest og Hilmar Freyr Birgisson og Kristján Ingi Smárason koma þar á eftir.

Alls eru 42 Goðamenn með einhver skákstig og svo eru á listanum fjórir aðrir sem hafa skákstig er eru án félags og hafa tekið þátt í mótum hjá Goðanum.

Ný skákstig félagsmanna Goðans 1. mars 2024.