Smári Sigurðsson vann mjög öruggan sigur á 18. Hraðskákmóti Goðans sem fram fór á Húsavík í dag. Smári fékk 13,5 vinninga af 14 mögulegum leyfði aðeins eitt jafntefli gegn Jakob Sævar Sigurðssyni, sem hreppti annað sætið með 11,5 vinninga. Rúnar Ísleifsson varð í þriðja sæti með 9 vinninga. Smári var að vinna hraðskáktitilinn í 7. skiptið og hefur þar með unnið oftast allra félagsmanna Goðans.
Tefld var tvöföld umferð þar sem keppendur voru 8 talsins. Tímamörk voru 5 mín +2 sek/leik. Tryggvi Þórhallsson og Ingi Hafliði Guðjónsson voru að taka þátt í sínu fyrsta hraðskákmóti hjá Goðanum í dag og náðu báðir lágmarks árangri til að fá hraðskákstig.
Lokastaðan
| Rk. | Name | Rtg | 1 | 2 | 3 | 4 | 5 | 6 | 7 | 8 | Pts. | ||||||
| 1 | Sigurdsson Smari | 1943 | *** | ½ 1 | 1 1 | 1 1 | 1 1 | 1 1 | 1 1 | 1 1 | 13,5 | ||||||
| 2 | Sigurdsson Jakob Saevar | 1854 | ½ 0 | *** | 1 0 | 1 1 | 1 1 | 1 1 | 1 1 | 1 1 | 11,5 | ||||||
| 3 | Isleifsson Runar | 1804 | 0 0 | 0 1 | *** | 0 ½ | 1 1 | 1 1 | 1 1 | ½ 1 | 9 | ||||||
| 4 | Adalsteinsson Hermann | 1631 | 0 0 | 0 0 | 1 ½ | *** | 0 0 | 1 1 | 1 0 | 1 1 | 6,5 | ||||||
| 5 | Smarason Kristjan Ingi | 1317 | 0 0 | 0 0 | 0 0 | 1 1 | *** | 0 1 | 1 0 | 1 ½ | 5,5 | ||||||
| 6 | Thorhallsson Tryggvi | 1341 | 0 0 | 0 0 | 0 0 | 0 0 | 1 0 | *** | 1 1 | 1 ½ | 4,5 | ||||||
| 7 | Asmundsson Sigurbjorn | 1526 | 0 0 | 0 0 | 0 0 | 0 1 | 0 1 | 0 0 | *** | 1 ½ | 3,5 | ||||||
| 8 | Gudjonsson Ingi Haflidi | 0 | 0 0 | 0 0 | ½ 0 | 0 0 | 0 ½ | 0 ½ | 0 ½ | *** | 2 |
Næsta mót á dagskrá er Jólamót Goðans sem fer fram 28 desember í Framsýnarsalnum á Húsavík. Það verður nánar auglýst þegar nær dregur.
