Skákþing Goðans 2026 fer fram helgina 20-22. febrúar nk. í félagsaðstöðu Goðans í Túni, MIðgarði 4 á Húsavík. Mótið verður 5 umferða kappskákmót með 90 mín +30 sek á leik í viðbótartíma. Fyrsta umferð verður tefld föstudagskvöldið 20 febrúar. Tvær umferðir verða síðan tefldar laugardag og sunnudag 21 og 22 febrúar. Hver keppandi getur tekið hálfs vinnings bye (yfirsetu) einu sinni í mótinu en þó ekki í lokaumferðinni. Mögulegt verður að taka bye í lokamferðinni en þá fær viðkomandi 0 vinning fyrir það.
Dagskrá
1 umferð kl 19:00 föstudaginn 20 febrúar
2 umferð kl 10:30 laugardaginn 21 febrúar
3 umferð kl 15:30 laugardaginn 21 febrúar
4 umferð kl 10:30 sunnudaginn 22 febrúar
5 umferð kl 15:30 sunnudaginn 22 febrúar
Hægt verður að hnika eitthvað til tímasetningum á hverri umferð/viðureign fyrir sig.
Mótið er ókeypis og er opið öllum áhugasömum en aðeins félagsmenn Goðans geta unnið til verðlauna. Verðlaunað verður fyrir þrjá efstu og sigurvergarinn fær farandbikar og nafnbótina Skákmeistari Goðans 2026.
Skráning er hafin í mótið og er skráningarfrestur til kl 10:00 föstudaginn 20. febrúar og verður þá gefin út pörun í 1. umferð í kjölfarið. Óskir um yfirsetu í 1. umferð þurfa þá að liggja fyrir.
Mótið er nú haldið í 23 skiptið og hefur Rúnar Ísleifsson oftast unnið það, eða sex sinnum alls. Smári Sigurðsson hefur unnið mótið fimm sinnum og núverandi skákmeistari Goðans, Jakob Sævar Sigurðsson, hefur unnið mótið fjórum sinnum. Átta skákmenn hafa hampað titilinum einu sinni eða oftar í gegnum tíðina.
Meistaramót Goðans – Skákþing
2004 Baldur Daníelsson
2005 Ármann Olgeirsson
2006 Ármann Olgeirsson
2007 Smári Sigurðsson
2008 Smári Sigurðsson
2009 Benedikt Þorri Sigurjónsson
2010 Rúnar Ísleifsson
2011 Jakob Sævar Sigurðsson
2012 Rúnar Ísleifsson
2013 Smári Sigurðsson
2014 Jakob Sævar Sigurðsson
2015 Rúnar Ísleifsson
2016 Sigurður Daníelsson
2017 Tómas Veigar Sigurðarson
2018 Tómas Veigar Sigurðarson
2019 Rúnar Ísleifsson
2020 Rúnar Ísleifsson
2021 Jakob Sævar Sigurðsson
2022 Smári Sigurðsson
2023 Rúnar Ísleifsson
2024 Smári Sigurðsson
2025 Jakob Sævar Sigurðsson
2026 ?
